بلاغ الي الشرطة بالعثور علي خادمة
خرجت مدام زينة ثم وجهه رؤوف كلامه الي عاصم …..
انا خرجت المدام بره علشان الكلام اللي هقوله مش هينفع اقوله قدامها
كلام ايه حضرتك
واضح يا دكتور انك شقي اوي .
نعم !!! حضرتك بتقول ايه
بقول ان انا عرفت انك كنت بتعاكس شمس كتير وانك اتهجـ,ــمت عليها اكتر من مرة .
لا الكلام ده كدب مين اللي قال لحضرتك كده
لأ الكلام مش كدب الكلام ده حصل فعلا عاوز اعرف بقي شقاوتك معاها وصلت لحد فين يا دكتور
لا يا فندم الكلام ده محصلش .
بقولك حصل وانا متأكد انكارك ده مش هيكون في مصلحتك
ابدا بالعكس ده هيثبت انك عاوز تداري علي حاجة كبيرة .
سكت عاصم لفترة قصيرة ثم قال زي اي رجل لما بيشوف بنت حلوة ويعجب بها مش اكتر وانا فعلا عاكستها اول ما جت تشتغل عندنا لكن لما لقيتها شريفة وكويسة بعدت عنها ومفكرتش فيها تاني .
اومال ليه تسوء سمعتها وتقول انها كانت بتعرف رجالة
لا يا فندم حضرتك فاهم غلط معاكستي لها كانت في البداية وكانت هي فعلا وقتها كويسة لكن في الفترة الاخيرة عرفت انها بتكلم رجالة فعلا .
واكيد طبعا حاولت معاها تاني صح
لأ . كان اعجابي بيها انتهي وكنت خلاص اخدت علي وجودها في البيت علشان كده مفكرتش فيها تاني لكن فكرت امشيها علشان سمعتنا .
انت قولت انك شوفت شمس مع المهندس عمرو في وضع مخل في الاسانسير
ايوه يا فندم الكلام ده حصل فعلا لكن هما مش شافوني وقتها ولما قولت للمدام قررنا اننا نشوف شغالة تانية غيرها .
خطك حلو يا دكتور
ايه السؤال الغريب ده
عاوزك تكتبلي الجملة دي في ورقة .
جملة ايه
الجملة اللي كانت في الرسالة اللي لقيناها في ملابس القـ,ــتيلة .
حاضر يا فندم هات قلم وورقة .
اتفضل يا ريت بعد ما تكتب دخل المدام هسألها عن حاجة .
خرج عاصم ووضح عليه التوتر وكان بالخارج مدام زينة في انتظاره وعلي الجانب الاخر وقف مسعد الكهربائي في الانتظار .
وقبل دخول مدام زينة جاء الضابط سليم وقال للضابط رؤوف …
علفكرة يا فندم عاطف ابن خالة شمس ماټ فعلا من ٤ سنين .
انا كنت متوقع كده لكن كان لازم نتأكد .
دخلت مدام زينة للضابط رؤوف وطلب منها كتابة نفس الجملة . فقالت له حضرتك شايف ايدي مربوطة يا فندم .
سلامتك يا دكتورة ايدك مالها
وقعت عليها واحنا في المصيف .
الف سلامة عليكي معلش حاولي تكتبي الجملة براحتك .
وبعد ان كتبتها قالت للضابط علفكرة انا كنت نسيت اقول لحضرتك حاجة حصلت .
خير يا دكتورة اتفضلي انا سامعك .
بعد ما روحنا المصيف بيومين شمس اتصلت عليا وقالتلي ان الكهربا في المطبخ مش شغالة و استأذنتني انها تطلع مسعد الكهربائي اللي واقف بره علشان يصلحها .
وانتي وافقتي
ايوه .
ومخوفتيش من دخول رجل غريب بيتك وانتوا مش موجودين !! خصوصا انك مش بتثقي في سلوك شمس
انا وافقت بحسن نية . ومش في دماغي ان يكون بينها وبينه حاجة .
طيب تقدري تتفضلي دلوقتي .
خرجت مدام زينة وانصرفت مع زوجها عاصم بينما دخل مسعد الكهربائي الي غرفة الضابط .
اقعد يا مسعد .
شكرا يا فندم .
مش قولتلك يا مسعد لو بتكدب عليا يبقي لك يد في الچـ,ــريمة
وانا مش كدبت ابدا في كلامي مع سعادتك .
لأ كدبت يا مسعد لما سألتك اخر مرة طلعت تعمل شغل كهربا في شـ,ــقة دكتور عاصم امتي رديت وقولت من اكتر من ست شهور .
ايوه يا فندم ويمكن اكتر من كده كمان .
لا يا مسعد انت طلعت تعمل شغل عند الدكتور بعد ما راح مع اسرته المصيف بيومين وده تقريبا توقيت تنفيذ الچـ,ــريمة وتاني يوم علطول انت سافرت بلدك .
لا يا فندم محصلش اني طلعت الشـ,ــقة دي خالص الفترة دي .
بلاش انكـ,ــار الانكار مش هيفيدك كده التهمة ثابتة عليك قول كل اللي حصل بالظبط وانا اوعدك هساعدك واخلي موقفك كويس في القضية وتاخد اقل حكم .
يا فندم والله ما حصل .
بردو مصمم علي الانكار بعندك ده هتودي نفسك في داهية وهتاخد اعدام قول الحقيقة كلها لمصلحتك .
يا فندم محصلش ولا طلعت الشـ,ــقة دي ابدا من اكتر من ست شهور .
في شهود
—
انك طلعت الشـ,ــقة في الوقت ده وسفرك تاني يوم بيثبت عليك الچريمة .
والله ما حصل لو حصل هقول بعد ما وعدتني تساعدني لكن اقسم بالله ما حصل .
كان في عـ,ــلاقة بينك وبينها ولما حصل حمل خۏفت ان سركم يتعرف فقـ,ــټلتها صح اعترف احسن لك .
اعمل ايه يا فندم علشان تصدق اني برئ
طيب يا مسعد انت محپوس معانا هنا علي ذمة التحقيق فكر كويس واوعدك لو اعترفت بكل اللي حصل هساعدك زي ما قولتلك انما لو عاندت هيكون موقفك سيئ جدا واكيد هيكون مصيرك الاعـ,ــډام .
وفي اليوم التالي وبعد السؤال عن مسعد في محل عمله أتي الضابط رؤوف بمسعد من محبـ,ــسه وقال له تحرياتنا اثبتت انك في يوم الخـ,ــادث اخدت شنطة العدة بتاعتك اللي بتستخدمها في شغلك ومشيت بدري من المحل وبعدها اختفيت وفي اليوم التاني سافرت بلدك ومش رجعت الا لما عرفت اننا
سألنا عنك لسه مصمم تودي نفسك في داهية وتنكر ولا هتعترف علشان نساعدك وتحسن موقفك في القضية
يا بيه انا مشيت بدري في اليوم ده علشان اشتري شوية طلبات لأهلي في البلد كانوا موصيني عليها المرة اللي فاتت واخدت شنطة العدة معايا علشان لما بسيبها في المحل واسافر برجع الاقيها ناقصة وبيتسرق منها حاجات من اللي بشتغل بيها .
يعني مصمم علي الانكار يا مسعد ومش عاوزنا نساعدك
يا بيه هي دي الحقيقة .
للاسف يا مسعد كنت عاوز اساعدك والادلة كلها ضدك انا مضطر احولك علي النيابة واعتقد كده القضية ثبتت عليك .
تم تحويل مسعد للنيابة التي واصلت معه التحقيق وكانت كل الأدلة ضده ورغم انكار مسعد المستمر ارتكابه الچـ,ــريمة الا انه لم يستطع اثبات كلامه فتم تحويل القضية الي المحكمة .
انتشر خبر ثبوت چـ,ــريمة قتل مسعد لشمس في الحي وتعجب الجميع من قـ,ــتل مسعد لها رغم حبه لها الذي كان يعلمه الكثيرين .
وعلم الجميع بحمل شمس قبل قـ,ــټلها مما جعل كل المختلطين بها محل شبهة اخلاقية .
حتي ان اصحاب المنزل التي تعمل به نادية صديقتها المقربة قرروا طرد نادية من العمل لديهم .
وعندما حاولت نادية الدفاع عن نفسها اتهمها اصحاب المنزل بأن اخلاقها وسلوكها محل شبهة بسبب صداقتها لشمس .
خرجت نادية بعد ان جمعت كل ملابسها ومقتنياتها ودموعها تسيل علي وجهها من شدة ما تعاني .
صدمات مجتمعة من صديقتها التي قـ,ــټلت وساءت سمعتها بعد مۏتها ولعڼة صداقتها لها والتي اصابتها وجعلتها تفقد مصدر عيشها وايضا حبيبها الذي ينتظر تنفيذ حكم الاعـ,ــډـ,ــام .
شعرت بأن الدنيا معتمة شديدة السواد امامها ولم تستطيع ايقاف دموعهاحتي وصلت الي باب العمارة حتي رأها عبده ابن همام البواب .
تعجب عبده من بكاء نادية فسألها عن السبب ….
بټعيطي ليه يا نادية مالك في حد مزعلك
اصحاب الشقة طردوني وانا خلاص ماشية ومش عارفة هعمل ايه .
اللي قطع رزقك من هنا هيوصل رزقك في حته تانية .
ونعم بالله بس انا يا عبده الدنيا كلها ضلمت في وشي مرة واحدة اطـ,ــردت من شغلي و صحبتي ماټت حتي مسعد اللي بحبه هيتعـ,ــدم .
ضحك عبده وقالها خلاص حبيني انا وخلاص .
ابتسمت نادية رغم دموعها وقالت انت لسه صغير يا عبده .
لأ انا مش صغير انا عندي ١٥ سنة .
بكره هتكبر وتلاقي عروسة زي الفل انما انا سبني في حالي مش عارفه اعمل ايه دلوقتي لو كانت شمس الله يرحمها عايشة يمكن كانت وقفت جنبي .
كلمي الدكتورة زينة اللي كانت بتشتغل عندها شمس يمكن تشغلك مكانها . دول من ساعة مۏت شمس مفيش ولا واحدة راضية تشتغل عندهم .
مش هينفع يا عبده .
كلميها بس انا عارف هي اكيد عاوزة حد يشتغل عندها مكان شمس اصلها مشغوله علطول ده حتي لما راحت مع جوزها وولادها المصيف رجعت بعدها بيومين بالليل وطلعت الشـ,ــقة اخدت حاجات ونزلت سافرت تاني بالليل علطول .
رجعت بالليل !!
الحلق ٧ الأخيرة
