سلفتى لزهرة الربيع
سلفتي اتهمتني إني أخذت اللحمة من صينية البطاطس، وجوزي دفع لها تمنها عشان يسكتها قدام أهلها، لكن لما كشفت حقيقتها قدام الكل، اتمنت الأرض تنشق وتبلعها!
نور بتحكي
أنا اسمي نور، ومتجوزة بقالي خمس سنين، وعندي ولد صغير لسه بيرضع، وعايشة في بيت عيلة، أنا وجوزي في شقة، وسلفتي هدى وجوزها في الشقة اللي فوقينا.
ومن أول يوم دخلت فيه البيت ده وأنا بحاول أعيش في حالي، وأبعد عن المشاكل، وأعامل الكل بما يرضي ربنا. عمري ما كنت بحب الخناق، ولا بحب أدخل في حياة حد، ولا أتكلم عن حد من وراه، وكنت دايمًا بقول إن راحة البال أغلى من أي حاجة.
لكن للأسف، مش كل الناس بتفهم الطيبة على إنها طيبة، في ناس بتعتبرها ضعف، وبتفتكر إن اللي بيسكت عن حقه مش هيعرف يرد، وإن اللي بيعدّي المواقف عشان العِشرة، ممكن يفضل طول عمره يتحمل الإهانة.
وده بالضبط اللي كانت فاهمته سلفتي هدى.
هدى كانت قدام الناس حاجة، وفي الحقيقة حاجة تانية خالص. قدام حماتي وحمايا وأهل جوزها، كانت هادية وبتتكلم بصوت واطي، وتضحك ضحكة بريئة، ولو حد طلب منها حاجة ترد عليه من عيوني يا حبيبي.
لكن لما نبقى لوحدنا، كانت بتتغير تمامًا.
كانت تدخل شقتي من غير استئذان بحجة إننا أهل، وتفتح الدواليب بحجة إنها بتدور على حاجة، ولو شافت عندي أكلة حلوة تسألني عملتيها إزاي، وبعدها بيومين تعمل نفس الأكلة وتقول قدام الناس إنها صاحبة الفكرة.
كنت بعدّي، وأقول مش مستاهلة.
ولو حصل خلاف بيني وبين جوزي، كانت تفضل تسألني أسئلة كتير، وتدّعي إنها خايفة عليا، وبعدها أكتشف إن الكلام كله وصل لحماتي بطريقة مختلفة.
ومع ذلك، كنت بحاول أحافظ على العِشرة.
جوزي أحمد كان راجل طيب، لكنه للأسف بيكره المشاكل جدًا، وبيعتبر إن السكوت عن الغلط أحيانًا أحسن من المواجهة، ودي كانت أكتر صفة بتتعبني فيه.
كان دايمًا يقولي
يا نور، إحنا في بيت عيلة، والواحد لازم يعدّي، مش كل كلمة نرد عليها، ومش كل موقف نعمل منه مشكلة.
وكنت أقوله
أنا معاك يا أحمد، بس فيه فرق بين إن الواحد يعدّي موقف، وبين إن حد يدوس على كرامته.
فيرد عليا
ربنا يهدي النفوس.
وكنت بسكت.
لحد اليوم اللي هدى قررت فيه إنها تعمل أكبر لعبة سيئة في حقي.
اليوم اللي بدأت فيه الحكاية
كان يوم عادي جدًا.
أنا قاعدة في الصالة، وابني الصغير في حضني بيرضع، والتليفزيون شغال بصوت واطي، وفجأة سمعت خبط على الباب.
قمت بالعافية،
2
سلفتى لزهرة الربيع
وعدّلت هدومي، وفتحت.
لقيت هدى واقفة قدامي، وماسكة صينية كبيرة متغطية بورق ألومنيوم، ووشها كله ابتسامة.
قالت
إزيك يا نور يا حبيبتي؟ عاملة إيه؟
قلت لها
الحمد لله يا هدى، اتفضلي.
دخلت وهي شايلة الصينية وقالت
بصي بقى، أنا عارفة إني بتقل عليكي، بس معلش، تلاجتي عملت معايا حركة وحشة، وأهلي جايين بكرة، وكنت عاملة لهم صينية بطاطس باللحمة من بالليل، وقلت أحطها عندك لحد ما أحتاجها.
بصيت للصينية وقلت
يا ستي عيب عليكي، هو إحنا أغراب؟ حطيها براحتك.
ضحكت وقالت
ربنا يخليكي ليا، والله إنتِ أختي اللي مخلفتهاش أمي.
الكلمة دي لوحدها كانت كفاية تخليني أفتح لها التلاجة كلها لو طلبت.
أخدت الصينية منها، وحطيتها في التلاجة زي ما هي، وقفلت الباب.
وقبل ما تمشي، قالت لي
خلي بالك منها يا نور، دي غالية عليا، أصل أنا حطيت فيها لحمة بلدي من أحسن مكان.
قلت لها وأنا بضحك
متقلقيش، دي في التلاجة مش في الشارع.
ضحكت، ومشيت.
رجعت لابني، وكملت يومي عادي.
ومفيش أي حاجة حصلت تستدعي الشك.
لا فتحت الصينية، ولا لمستها، ولا حتى شلت الغطا عنها.
وفي الحقيقة، أنا ما كنتش أعرف إن الصينية دي هتكون سبب في فضيحة كبيرة، وإن هدى كانت مخططة لكل تفصيلة من أول ما خبطت على بابي.
تاني يوم.. بداية المسرحية
تاني يوم، من الصبح، البيت كان فيه حركة.
أهل هدى وصلوا قبل الضهر بشوية.
أبوها وأمها وأخوها كانوا قاعدين تحت في شقة حماتي، وأحمد وجوز هدى كانوا معاهم.
أنا كنت فوق بجهز ابني، وسمعت صوت الضحك والكلام من تحت.
نزلت سلمت عليهم، وقدمت لهم العصير، ورجعت شقتي.
بعد شوية، هدى طلعت وقالت بصوت عالي
يا جماعة، الغدا جاهز خلاص، بس هستنى أسخن الصينية الأول.
وبعدين بصت ناحيتي وقالت
نور، معلش يا حبيبتي، هاتي الصينية بتاعتي من التلاجة.
دخلت جبتها.
كانت زي ما هي بالضبط، ورق الألومنيوم متطبق عليها، ومفيش أي علامة تدل إن حد فتحها.
نزلت بيها، وكنت هديها لها وخلاص.
لكن هدى أخدتها مني، وحطتها على السفرة قدام أهلها.
وقالت بمنتهى الفخر
بصوا بقى، دي صينية البطاطس اللي فضلت طول الليل أعمل فيها، وجوزي جاب لي لحمة مخصوص عشان أفرحكم.
وبدأت تفك ورق الألومنيوم.
وفجأة…
اتغير وشها.
بصت للصينية، ورجعت بصت لي.
وبعدين صرخت
إيه ده؟!
كلنا بصينا لها.
قالت بصوت عالي
فين اللحمة يا نور؟!
أنا اتخضيت وقلت
لحمة إيه؟
قامت وقفت، وقربت الصينية مني وقالت
إنتِ
بتستعبطي؟! أنا حطيت عندك صينية فيها لحمة، فين اللحمة اللي كانت فيها؟!
قلت لها وأنا مش مصدقة اللي بسمعه
إنتِ بتقولي إيه يا هدى؟ أنا ما فتحتش الصينية أصلًا!
قالت
يعني إيه ما فتحتيهاش؟! هو اللحم طار؟!
بصيت لأحمد، وبعدين بصيت لجوزها، وقلت
يا جماعة، أنا والله ما لمست الصينية.
هدى حطت إيدها على صدرها، وبدأت تمثل الانهيار
دي كان فيها اتنين كيلو لحمة بلدي! أنا كنت عاملاها مخصوص لأهلي، وإنتِ الوحيدة اللي كانت عندها الصينية!
قلت لها بغضب
إنتِ بتتهميني بأخذها؟!
ردت بسرعة
أنا ما اتهمتش حد، أنا بس بسأل اللحمة راحت فين!
قلت
لما تسألي سؤال بالطريقة دي قدام الناس، يبقى إنتِ بتتهميني.
بدأت تعيط، وحطت إيديها على وشها.
وقالت
يا خسارة العِشرة! أنا اللي كنت فاكرة إنك أختي!
أمها قربت منها وقالت
اهدي يا بنتي، اهدي.
لكن هدى فضلت تصرخ
أهدي إزاي يا ماما؟ دي كانت لحمة غالية! أنا تعبت فيها طول الليل!
أنا كنت واقفة مش قادرة أصدق اللي بيحصل.
مش عشان اللحمة، ولا عشان الفلوس.
لكن عشان الإهانة.
عشان واحدة دخلت بيتي بإرادتها، وطلبت مني أحافظ على أكلها، ولما رجعت تاخده اتهمتني قدام الناس إني أخذته.
أحمد قام من مكانه، وقال
خلاص يا هدى، كفاية بقى، مش مستاهلة.
وبعدين طلع محفظته، وطلع مبلغ من الفلوس، ومد إيده ليها.
وقال
خدي يا هدى، ده تمن اللحمة، وهاتي لحمة تانية، وأهلك يتغدوا، ومش عايزين نكبر الموضوع.
أنا بصيت له بصدمة.
قلت
أحمد؟!
بص لي وقال بصوت واطي
خلاص يا نور، عشان خاطر الناس.
الكلمة دي وجعتني أكتر من اتهام هدى نفسه.
يعني أنا اللي اتهمت بأخذها، وأنا اللي لازم أسكت؟
أنا اللي كرامتي اتجرحت، وجوزي بيطلب مني أراعي خاطر اللي أهانتني؟
هدى خطفت الفلوس بسرعة، وحطتها في جيبها، وبعدها قالت
